إعداد وتقديم مرفت عبد القادر
مطبخ الصوت
المقادير :
4 أكواب دقيق أبيض
1 ملعقة صغيرة ملح
2 ملعقة صغيرة سكر
2 كوب ماء دافئ (أو حسب الحاجة للعجن)
½ كوب سمن بلدي + ½ كوب زيت (للفرد والتسوية)
سمنة إضافية للدهن بعد الخَبز
عسل نحل + قشطة بلدي (للتقديم)
الطريقة :
1. نخلط الدقيق مع الملح والسكر، ونضيف الماء تدريجيًا لحد ما نحصل على عجينة طرية وملساء.
2. نسيب العجينة ترتاح 15 دقيقة، ثم نقسمها إلى كور صغيرة (حسب الحجم اللي تحبه).
3. نغطي الكور ونسيبها ترتاح 10 دقايق كمان.
4. على سطح مدهون بالسمن والزيت، نفرد كل كورة بالنشابة لحد ما تبقى رفيعة جدًا.
5. نطوي العجينة على شكل مربع (أو دايرة)، وندهن بين كل طبقة بالسمن.
6. نسيب الفطير يرتاح 10 دقائق، ثم نفرده خفيف بإيدنا.
7. نسويه في طاسة تيفال أو صاج سخن مدهون بسمنة وزيت، على نار متوسطة، ونقلبه لحد ما يتحمّر من الجهتين.
8. أول ما يطلع، ندهنه سمنة بلدي وهو سخن علشان ياخد لمعة وطراوة.
التقديم:
قدّمه وهو سخن مع طبق عسل نحل وطبق قشطة بلدي، وعيش أحلى فطار أو تحلية على أصولها.
وممكن كمان ترش عليه سكر بودرة أو تدخله الفرن يتحمّر أكتر حسب ذوقك.
وبألف هنا.
ظهرت المقالة طريقة عمل الفطير المشلتت أولاً على جريدة الصوت المصرية.