شاركت الفنانة حلا شيحة متابعيها بمقطع فيديو جديد عبر حسابها الرسمي على موقع إنستجرام، تحدثت فيه عن مسألة الثبات على الحجاب، ووجهت من خلاله نصيحة للفتيات اللاتي يعانين من التردد أو الخوف في اتخاذ قرار ارتداء الحجاب، مشيرة إلى أنها تشعر بكل فتاة تمر بنفس الحالة.
وكتبت حلا في تعليق مرفق مع الفيديو:”لكل واحدة بعتتلي وسألتني: إزاي أقدر أثبت على الحجاب؟ إزاي قلبي ما يرجعش يتوه تاني؟ أنا حاسة بيكي.”
وخلال الفيديو، قالت حلا شيحة:”الطريق لربنا هو الحل، بنسجد ونقوله حببنا فيما تحب، وكرهنا فيما تكره. في بنات بتبعتلي تقول لي أنا عايزة أتحجب بس مش قادرة آخد الخطوة. بقولك: اطمني، أنا كنت زيك ولسه بجاهد، وكلنا هنفضل نجاهد لحد ما نقابل ربنا.”
وأضافت:”إحنا ساعات بنفكر في حب الظهور، المكانة الاجتماعية، أو الخروج على البحر، وده صوت النفس الزنانة اللي بتشدنا للوراء، بس النجاح الحقيقي هو إننا نزكي نفسنا ونقرب من ربنا.”
حلا شيحة تنفي تصريحات نُسبت إليها عن معز مسعود
وفي سياق آخر، نفت حلا شيحة ما تم تداوله مؤخرًا من تصريحات منسوبة إليها حول فترة زواجها بالداعية معز مسعود، والتي زُعم فيها أنها وصفت تلك الفترة بأنها “الأسوأ” في حياتها.
وعبرت حلا عن استيائها من هذه الشائعات، وكتبت عبر خاصية “الستوري” على إنستجرام:”مش عارفة إيه الكلام ده ومين اللي نشره على لساني. يا ريت اللي يكتب خبر يتحرى الدقة. أنا ما قلتش الكلام ده نهائي.”