استغاث شاب يدعى محمد، من ذوي الهمم مقيم في محافظة بورسعيد، نتيجة تعدي 4 أشخاص عليه بالضرب والسب، مما أدى ذلك إلى إصابته بـ 30 غرزة في مختلف أنحاء الجسد.
شاب من ذوي الهمم يستغيث بعد تعدي 4 أشخاص عليه ببورسعيد
وقال الشاب محمد إنه كان في طريقه لتوصيل بضاعة ما إلى أحد المخازن في بورسعيد، وفوجئ بالمتهمين الذين اعترضوا طريقه وحاولوا سرقة البضاعة منه.
وتابع: كنت رايح أودي بضاعة للمخزن والبضاعة دي مش بتاعتي، دي بتاعة ناس أنا شغال عندهم وأمانة عندي، والمتهمين الأربعة تعدوا عليا 2 منهم حدفوني بالطوب والباقيين ضربوني بمطواة.
وأضاف الشاب محمد أنه عندما حاول الدفاع عن نفسه فوجئ بتعدي المتهمين عليه، قائلًا: واحد من المتهمين ضربني بالمطواة في رجلي، والتاني ضربني في بطني لما دافعت عن نفسي عشان ميخدوش البضاعة مني.
واستكمل: أنا ماشي في حالي ومعرفش المتهمين ولا عملت ليهم أي حاجة، وهما افتروا عليا وضربوني وبهدلوني، وأنا مش عاوز حاجة غير حقي لأني مكنتش أستاهل اللي حصل معايا.
